Yu’am Chi’ilmanq ajwi’ Junelik yu’am, yu’am chi junelik; Saqen, lix saqen li Kristo Li wanjik sa’ tz’ejwalejil ut musiq’ejil, li na’uxman xb’aan lix wankil li Dios. Xink’ojob’ chawu sa’ li kutan a’in li yu’am ut li chaab’ilal, Deut. 30:15–20. Taak’ut chiwu xb’ehil li yu’am, Sal. 16:11. Ani nataaqenk re li tiikilal naxtaw li yu’am, Prov. 21:21. Ani natawok re lix yu’am, taasachq chiru; ut ani nasach lix yu’am chiru choq’ we laa’in, a’an tixtaw, Mat. 10:39 (Mat. 16:25; Mar. 8:35; Luk. 9:24; 17:33). Li Ralal li Winq moko chalenaq ta chixsachb’al xyu’ameb’ li winq; re b’an xkolb’aleb’, Luk. 9:56. Rik’in a’an kiwan li yu’am, ut li yu’am a’an chaq xsaqenkileb’ li winq, Jwan 1:4. Ani napaab’ank re li ani kitaqlan chaq we, numsinb’il chalen chaq sa’ li kamk toj sa’ li yu’am, Jwan 5:24. Laa’in li b’e, li yaal, ut li yu’am, Jwan 14:6. Wi ka’ajwi’ sa’ li yu’am a’in wan qayo’onihom rik’in li Kristo, q’axal ra li wanko wi’ chiru chixjunileb’ li winq, 1 Kor. 15:19–22. Li choxahilal naxyeechi’i li yu’am li wan anajwan, ut li b’arwan toj taachalq, 1 Tim. 4:8. Eb’ li qalal qak’ajol te’ruuq chirilb’al chi uub’ej li yu’am a’an li wan rik’in li Kristo, 2 Ne. 25:23–27. Li yu’am a’in a’an xq’ehil re naq te’xkawresi rib’ li winq chixk’ulb’al li Dios, Alma 34:32 (Alma 12:24). Laa’in lix saqen ut lix yu’am li ruchich’och’, 3 Ne. 9:18 (Mos. 16:9; 3 Ne. 11:11; Eter 4:12). Osob’tesinb’ileb’ li ani tiikeb’ chi paab’ank, us ta sa’ li yu’am malaj sa’ li kamk, Tz. ut S. 50:5. A’an a’in eb’ li junelik yu’am—xnawb’al ru li Dios ut li Jesukristo, Tz. ut S. 132:24. A’in lin k’anjel ut lin loq’al—xk’eeb’al chi uxmank lix kolb’al chiru li kamk ut lix yu’am chi junelik li winq, Mois. 1:39.