Tenq’ choq’ re li tzolok
Fariseo


Fariseo

Sa’ li Ak’ Chaq’rab’, jun raqal li paab’aal sa’ xyanqeb’ laj Judio; lix yaalalil lix k’ab’a’eb’ a’an naq jachb’ileb’ ru. Eb’ laj Fariseo neke’xnima rib’eb’ sa’ xpaab’ankil chi tz’aqal tz’aqal lix chaq’rab’ laj Moises, ut sa’ risinkil rib’ rik’in yalaq k’a’ru reheb’ laj Gentil. Eb’ a’an neke’xpaab’ naq wan li yu’am chirix li kamk, li wakliik chi yo’yo, ut eb’ li anjel ut li musiq’ej. Ke’xpaab’ naq li na’leb’ numsinb’il chaq chi yeeb’il chalen najter juntaq’eet xwankil rik’in li chaq’rab’ tz’iib’anb’il. Li paab’aal, sa’ lix na’leb’eb’ a’an, yal naraj naxye xtaaqenkil jar raqal chi chaq’rab’, ut rik’in a’an na’ux li musiq’ejil q’etq’etil. Sa’ xk’ab’a’eb’ a’an naab’al reheb’ laj Judio ink’a’ te’xpaab’ li Kristo ut lix evangelio. Li Qaawa’ kixtz’eqtaanaheb’ laj Fariseo ut eb’ lix k’anjel sa’ Mateo 23; Markos 7:1–23; ut Lukas 11:37–44.