Xsik’b’al ru

A’ yaal jo’ chanru xk’ulub’ejileb’ sa’ li yu’am naq maji’ nokoyo’la, li Dios kixsik’eb’ ru li ani te’wanq choq’ ralal xk’ajol laj Abraham ut xjunkab’al laj Israel, ut li te’ok choq’ tenamit re li Sumwank (Deut. 32:7–9; Abr. 2:9–11). Nak’eeman reheb’ a’an junjunq li osob’tesink ut li k’anjel re naq te’ruuq chirosob’tesinkileb’ li tenamit re li ruchich’och’ (Rom. 11:5–7; 1 Pe. 1:2; Alma 13:1–5; Tz. ut S. 84:99). A’b’anan eb’ a’in li sik’b’ileb’ ru tento naq te’b’oqe’q ut te’sik’e’q ru sa’ li yu’am a’in re te’xk’ul li kolb’a-ib’.