Jo’ na’oksiman sa’eb’ li santil hu, xkuyb’al li maak naraj naxye wiib’ paay chi na’leb’: (1) Naq li Dios naxkuyeb’ xmaak li winq, naxsach malaj narisi li tojb’a-maak li tento raj taak’eemanq xb’aan junaq li maak. Rik’in li xtojb’al rix li maak xb’aan li Kristo, naru naq te’kuye’q xmaak chixjunileb’ li neke’xjal xk’a’uxleb’, ka’ajeb’ wi’ li xe’b’aanunk re li kamsink malaj xe’b’aanunk re li maak ink’a’ naru xkuyb’al chirix li Santil Musiq’ej, ink’a’ taakuymanq xmaakeb’. (2) Naq eb’ li winq neke’xkuy xmaakeb’ chirib’ileb’ rib’, neke’ril rib’eb’ rik’in lix rahom li Kristo, ut ink’a’ xik’ neke’ril li ani ra xe’xb’aanu reheb’ (Mat. 5:43–45; 6:12–15; Luk. 17:3–4; 1 Ne. 7:19–21).