Naraj naxye chixjunileb’ li ani yo’yo, li winq jo’ ajwi’ li ixq. Chixjunileb’ li ixq ut li winq a’aneb’ tz’aqal musiq’ejil alal k’ajolb’ej chiru li qaChoxahil Yuwa’. Naq neke’yo’la sa’ li ruchich’och’, neke’xk’ul xjunxaqalileb’ li naru nakam. Kiyo’ob’tesiman li junxaqalil a’in jo’ xjalam-uuch li Dios (Gen. 1:26–27 ). Eb’ li winq ut li ixq li tiikeb’ chi paab’ank rik’in xk’ulb’al li k’ojob’anb’il k’anjel li na’ajman, xpaab’ankil li sumwank xe’ok wi’, ut ab’ink chiru lix taqlahom li Dios te’ok sa’ lix taqenaqil loq’al, ut te’wanq chanchan li Dios.
Neke’wan li winq re naq te’wanq xsahileb’ xch’ool, 2 Ne. 2:25 .
Li ruchich’och’il winq wan choq’ aj xik’ ilonel re li Dios, Mos. 3:19 .
K’a’ chi winqil tento naq texwanq laa’ex, 3 Ne. 27:27 .
Ninnaw naq li winq maak’a’ aj-e, Mois. 1:10 .
Lix k’anjel ut lix loq’al li Dios, a’an xk’eeb’al chi uxmank lix kolb’al chiru li kamk ut lix yu’am chi junelik li winq, Mois. 1:39 .
Winq, ralal lix Choxahil Yuwa’ sa’ musiq’ej
Ke’xkut rib’ chi huphu ut ke’xye, At Dios, xDios lix musiq’eb’ chixjunil li tz’ejwalej, Num. 16:22 (Num. 27:16 ).
Laa’ex ralal xk’ajol li Qaawa’ lee Dios, Deut. 14:1 .
Diosex, ut chejunilex ralal xk’ajol li Q’axal Taqenaq Xwankil, Sal. 82:6 .
Ralalex li yo’yookil Dios, Os. 1:10 .
Ma ink’a’ jun li qayuwa’ chiqajunil? Ma ink’a’ jun li Dios li kiyo’obtesink qe, Mal. 2:10 .
Laa’o ralal xk’ajol li Dios, Hech. 17:29 .
Li Musiq’ej ajwi’ naxch’olob’ xyaalal naq laa’o ralal xk’ajol li Dios, Rom. 8:16 .
Toowanq rub’el xwankil lix Yuwa’eb’ li musiq’ej, Heb. 12:9 .
Li ani wankeb’ sa’eb’ li ruchich’och’ yo’lajenaqeb’ choq’ alalb’ej ut rab’inb’ej chiru li Dios, Tz. ut S. 76:24 .
Li winq kiwan sa’ xtiklajik rik’in li Dios, Tz. ut S. 93:23, 29 .
Li Dios kixyo’ob’tesi chixjunileb’ li winq sa’ musiq’ejil, rub’elaj naq ke’wan chiru lix b’een li ch’och’, Mois. 3:5–7 .
Laa’in li Dios, kinyo’ob’tesi li ruchich’och’, ut eb’ li winq rub’elaj naq ke’wan sa’ li tz’ejwalej, Mois. 6:51 .
Winq, naru chi wank jo’ lix Choxahil Yuwa’
Tz’aqalaq eere eeru, jo’ chanru ajwi’ lee Yuwa’ li wan sa’ choxa, Mat. 5:48 (3 Ne. 12:48 ).
Ma ink’a’ tz’iib’anb’il sa’ lee chaq’rab’ naq diosex, Jwan 10:34 (Tz. ut S. 76:58 ).
Taaruuq toowanq choq’ aj eechanihom re li k’a’ru re li Dios, ut sum eechaninel qochb’een li Kristo, Rom. 8:17 .
Laa’at alalb’ej, ut wi alalb’ejat, aj eechanihomat chiru li Dios sa’ xk’ab’a’ li Kristo, Gal. 4:7 .
Naq taak’utunq, chanchanaqo a’an, 1 Jn. 3:2 .
Re li ani naq’axok-u, tink’e k’ojlaak wochb’een sa’ lin k’ojarib’aal, Apok. 3:21 .