Manases
Sa’ li Najter Chaq’rab’, li xb’een xyum li xAsnat ut ralal laj Jose li kik’ayiik toj Egipto (Gen. 41:50–51). A’an rochb’een laj Efrain li riitz’in a’aneb’ rimam laj Jakob (Israel), a’ut ke’k’ule’ choq’ alalb’ej ut ke’osob’tesiik chanchan ralaleb’ a’an (Gen. 48:1–20).
Lix teepal laj Manases
Eb’ li ralal xk’ajol laj Manases ke’k’ehe’ sa’ ajl sa’ xyanqeb’ lix teepal laj Israel (Num. 1:34–35; Jos. 13:29–31). Li rosob’tesihom laj Moises sa’ xb’een lix teepal laj Jose, li kik’eeman ajwi’ re laj Efrain ut laj Manases, wan chi tz’iib’anb’il sa’ Deuteronomio 33:13–17. Li ch’och’ li kixaqab’aman choq’ reheb’ kiwan jun raqal junpak’al Jordan sa’ rokeb’aal li saq’e, chixk’atq lix ch’och’ laj Efrain. Ke’wan ajwi’ xch’och’ chirix Jordan sa’ li chaab’il ch’och’ re wakax aran Basan ut Galahad. Sa’ roso’jikeb’ li kutan, eb’ lix teepal laj Manases te’xtenq’a lix teepal laj Efrain sa’ xch’utub’ankil li tenamit Israel li jek’inb’il (Deut. 33:13–17). Li profeet aj Lehi sa’ lix Hu laj Mormon a’an ralal xk’ajol laj Manases (Alma 10:3).