Eliseo

Jun profeet sa’ li Najter Chaq’rab’, sa’ li awa’b’ejihom re Israel sa’ xnim li saq’e, ut aj k’ehol na’leb’ re junjunq reheb’ li rey sa’ xb’een li tenamit a’an.

Laj Eliseo q’un xch’ool ut aj rahonel na’ilman, maak’a’ rik’in li anchalil ch’oolejil li nawb’il wi’ ru laj Elias, li kijolomin chaq re. Eb’ li ninqi sachb’a-ch’oolej kixb’aanu (2 Rey. 2–5; 8) neke’xk’ut xyaalal naq chi yaal kixk’ul lix wankilal laj Elias naq ki’ok chi profeetil ruuchil laj Elias (2 Rey. 2:9–12). Qayehaq, kixk’irtesi lix ha’il jun li k’ahil yo’leb’aal ha’, kixjach ru lix ha’il li nima’ Jordan, kixk’e chi k’ihank li aseeyt chiru jun xmalka’an, kixwaklesi jun li al chiru li kamk, kixk’irtesi jun li winq li saqlep rix, kixk’e chi taqe’k jun maal sa’ xb’een li ha’, ut kixmutz’ob’resiheb’ ru laj Siria (2 Rey. 2–6). Kiwan lix k’anjel chiru numenaq lajeeb’ roxk’aal chihab’, chiru lix awa’b’ejil laj Joram, laj Jehu, laj Johakas, ut laj Johas.