Nauvoo, Illinois (E.U.A.)

Jun tenamit xaqab’anb’il xb’aaneb’ laj santil paab’anel sa’ roso’jikeb’ li kutan sa’ 1839 sa’ li estado Illinois. Wan chire li nima’ Mississippi, 320 kiloom rik’in Saint Louis.

Sa’ xk’ab’a’ li rahob’tesiik sa’ li estado Missouri, eb’ laj santil paab’anel ke’q’axon 300 kiloom sa’ releb’aal saq’e ut sa’ xnim li saq’e, chi junpak’al li nima’ Mississippi toj sa’ li estado Illinois, b’ar wi’ ke’xtaw b’ayaq li chaab’ilal. Moqon, eb’ laj santil paab’anel ke’xloq’ li ch’och’ chixk’atq jun tenamit maji’ yiib’anb’il, Commerce xk’ab’a’. Li ch’och’ a’in saab’ ha’, ut yal junjunq li kab’l wan aran. Eb’ laj santil paab’anel ke’risi xha’il li ch’och’ ut ke’xkab’laheb’ li ochoch. Laj Jose Smith kiq’axon rochb’een lix junkab’al sa’ jun li ch’ina ochoch che’. Kijalman xk’ab’a’ li tenamit Commerce choq’ Nauvoo, a’an li aatin “ch’ina-us” sa’ Hebreo.

Junjunq tasal sa’ li hu Tzol’leb’ ut Sumwank ke’tz’iib’aman Nauvoo (Tz. ut S. 124–129; 132; 135). Eb’ laj santil paab’anel ke’taqlaak chixkab’lankil jun li santil ochoch sa’ Nauvoo (Tz. ut S. 124:26–27). Ke’xyiib’ li santil ochoch ut ke’xxaqab’eb’ li roqechal Sion, ut moqon ke’isiik chaq sa’ rochocheb’ sa’ 1846. Xb’aan li rahob’tesiik a’in, eb’ laj santil paab’anel ke’el chaq sa’ li na’ajej a’an ut xkoheb’ sa’ rokeb’aal li saq’e.