Jalanil aatinob’aal, maatan re Chi’ilmanq ajwi’ Aatinob’aal; Maatan naxk’e li Musiq’ej (eb’ li); Ru’uj aq’ej Jun maatan re li Santil Musiq’ej li naxkanab’eb’ li ani musiq’anb’ileb’ chi aatinak, chixtawb’al ru, malaj chixjaltesinkil ru jalanil aatinob’aal. Laa’o naqapaab’ naq wan li maatan re li jalanil aatinob’aal (R. li P. 1:7). Ut chixjunileb’ ke’nujak chi Santil Musiq’ej, ut ke’ok chi aatinak sa’eb’ li jalanil aatinob’aal, Hech. 2:4. Li ani na’aatinak sa’ jalanil aatinob’aal ink’a’ na’aatinank reheb’ li winq, re b’an li Dios, 1 Kor. 14:1–5, 27–28. Li aatinak sa’ jalanil aatinob’aal wan choq’ eetalil chiruheb’ li ink’a’ neke’paab’an, 1 Kor. 14:22–28. Chirix a’an nachal li kub’iha’ re xam ut re li Santil Musiq’ej, ut chirix a’an texruuq chi aatinak rik’in raatinob’aaleb’ li anjel, 2 Ne. 31:13–14. Laj Amaleki kirelaji chiruheb’ chixjunil li winq naq te’xpaab’ li maatan re aatinak rik’in jalanil aatinob’aal, Omni 1:25. K’eeb’il re junjunq aatinak rik’in jalanil aatinob’aal, ut re jalan chik xk’utb’al xyaalalil li jalanil aatinob’aal, Tz. ut S. 46:24–25 (1 Kor. 12:10; Moro. 10:8, 15–16). Chihoymanq li maatan re li jalanil aatinob’aal, Tz. ut S. 109:36.