Ch’utleb’aal kab’l

Jun na’ajej neke’ch’utla wi’ choq’ re li paab’aal. Sa’ xkutankil li Ak’ Chaq’rab’, moko naab’al ta wan chi sa’; wan jun li kaax wan wi’ li b’otb’ookil hu re li chaq’rab’ ut jalaneb’ chik li loq’laj tz’iib’ahom, jun meex re rilb’al li hu, ut li k’ojleb’aal choq’ reheb’ li neke’loq’onin.

Sa’ li junjunq chi na’ajej, jun ch’uut chi xb’eenil ke’xb’eresi li ch’utleb’aal kab’l. Eb’ a’an ke’xk’uub’ ani taa’oksimanq ut ani taa’isimanq chaq (Jwan 9:22; 12:42). Li ani q’axal xnimal ru a’an laj taqlanel re li ch’utleb’aal kab’l (Mar. 5:22; Luk. 13:14). A’an aj tz’iib’, naril li kab’l, ut naxjolomi li k’anjel. Jun aj k’anjel kirileb’ li hu (Luk. 4:20).

Wan jun li ch’utleb’aal kab’l sa’ li junjunq chi tenamit wankeb’ wi’ laj Judio, sa’ Filistea jo’ ajwi’ b’araq chik. A’in q’axal kitenq’an sa’ xpuktesinkil lix evangelio li Jesukristo, xb’aan naq eb’ laj k’amol aatin sa’ xtiklajik li Iglees ke’ru chi aatinak sa’eb’ li ch’utleb’aal kab’l (Hech. 13:5, 14; 14:1; 17:1, 10; 18:4). Jo’ka’in ke’xb’aanu laj k’amol aatin sa’ lix Hu laj Mormon (Alma 16:13; 21:4–5; 32:1) jo’ ajwi’ junjunq reheb’ laj k’amol aatin sa’ xtiklajik li jun k’ojlajik a’in (Tz. ut S. 66:7; 68:1).