Xramb’al ru ch’oolej

Sa’eb’ li loq’laj hu, yeeb’il resil wiib’ paay chi xramb’al ru ch’oolej: (1) Li jun raqal lix kolb’a-ib’ aq’ej laj pleet, li nak’eeman chiru. Jo’ jaljookil ru aatin, eb’ laj santil paab’anel tento te’xk’e chirix jun xramb’al ru ch’oolej re tiikilal, re xkolb’aleb’ chiru li ink’a’ us (Isa. 59:17; Ef. 6:14). (2) Jun li aq’ej li nak’eeman chirix li taqenaqil aj tij sa’ lix chaq’rab’ laj Moises (Exo. 28:13–30; 39:8–21). A’an yiib’anb’il chi lino, ut wan kab’laju li lemtz’ q’ol chiru. Wan naq nayeeman resil rochb’een li Urim ut Tumim (Tz. ut S. 17:1; JS—R 1:35, 42, 52).