Hageo
Jun profeet sa’ li Najter Chaq’rab’ li ki’aatinak jo’ profeet 520 chihab’ tana’ rub’elaj li Kristo sa’ Jerusalen, ka’ch’in chik chirix naq eb’ li tenamit aj Judio ke’sutq’i chaq sa’ lix preexileb’ Babilonia (Esd. 5:1; 6:14). A’an ki’aatinak chirix xyiib’ankil wi’chik lix santil ochoch li Qaawa’ sa’ Jerusalen, ut kixch’iilaheb’ li tenamit xb’aan naq maji’ nachoyman. Kitz’iib’ak ajwi’ chirix li santil ochoch ut lix awa’b’ejil li Kolonel li taawanq sa’ li Jun Mil Chihab’.
Lix hu laj Hageo
Sa’ li ch’ol 1, li Qaawa’ naxch’iilaheb’ li tenamit xb’aan naq neke’wan sa’ li rochocheb’ li ak choyb’ileb’ naq li santil ochoch toj maji’ choyb’il. Sa’ li ch’ol 2 tz’iib’anb’il lix profeetil aatin laj Hageo naq li Qaawa’ tixk’e li tuqtuukil usilal sa’ lix santil ochoch.