Tijonelil re Aaron

Li tijonelil li kub’enaq xwankil (Heb. 7:11–12; Tz. ut S. 107:13–14). Li opiis wan chi sa’, a’an re obiisp, aj tij, tzolonel, ut tenq’anel (Tz. ut S. 84:30; 107:10, 14–15, 87–88). Najter, rub’el lix chaq’rab’ laj Moises, ke’wan taqenaqil aj tij, aj tij, ut aj Levita. Xb’aan naq eb’ laj Israelita najter ke’xpo’resi xch’ool rik’in li Dios, laj Moises ut li santil tijonelil ke’isiik chaq rik’ineb’ ut kikana li tijonelil kub’enaq xwankil. Ink’a’ ke’raj naq te’santob’resiiq ut te’xk’ul li Tijonelil re Melkisedek ut li k’ojob’anb’il k’anjel li wankeb’ chi sa’ (Tz. ut S. 84:23–26). Li Tijonelil re Aaron nak’anjelak rik’in li jar paay chi k’ojob’anb’il k’anjel re li chaq’rab’ ut li evangelio li wan choq’ re li yu’am a’in ut li k’utk’u (1 Kro. 23:27–32; Tz. ut S. 84:26–27; 107:20). Wan rik’in a’an li laaw re lix k’anjeleb’ li anjel, re li evangelio re jalb’a-k’a’uxlej, ut re li kub’iha’ (Tz. ut S. 13). Li Tijonelil re Aaron kik’ojob’aman wi’chik sa’ li ruchich’och’ sa’ li jun k’ojlajik a’in sa’ 15 Mayo 1829. Laj Jwan aj Kub’sihom Ha’ kixk’ojob’ sa’ xb’een laj Jose Smith ut laj Oliver Cowdery, nach’ rik’in Harmony, Pennsylvania (Tz. ut S. 13; JS—R 1:68–73).