Josue
Jun profeet ut aj jolominel sa’ li Najter Chaq’rab’, li ki’ok choq’ reeqaj laj Moises. A’an kiyo’la Egipto rub’elaj naq ke’eelelik li ralal xk’ajol laj Israel (Num. 14:26–31). Rochb’een laj Kaleb, a’an jun reheb’ li kab’laju chi muqmuukil aj k’ehol eetal li ke’taqlaak Kanahan. Ka’ajeb’ wi’ li wiib’ a’an chaab’il esil ke’xye chirix li ch’och’ (Num. 13:8, 16–33; 14:1–10). Kikam naq 110 chihab’ xyu’am (Jos. 24:29). Laj Josue a’an xkomoneb’ li profeet aj pleet li xaqxookeb’ xch’ool.
Lix hu laj Josue
Li hu a’in naxk’am xk’ab’a’ laj Josue, moko rik’in ta naq a’an kitz’iib’ank re, rik’in b’an naq na’aatinak chirix a’an. Sa’eb’ li ch’ol 1–12 naxye resil naq ke’reechani Kanahan; sa’eb’ li ch’ol 13–24 naxye resil naq eb’ lix teepal laj Israel ke’xjachi ru li ch’och’, ut li na’leb’ kixk’e laj Josue sa’ roso’jik.
Wiib’ li xnimal ru raqal sa’ lix hu laj Josue a’aneb’ lix taqlahom li Qaawa’ re laj Josue naq tixtz’ileb’ rix li loq’laj hu sa’ xch’ool (Jos. 1:8), ut naq laj Josue kixb’oqeb’ li tenamit re naq tiikaqeb’ chixpaab’ankil li Qaawa’ (Jos. 24:15).