K’ojob’anb’il k’anjel
Eb’ li loq’laj k’anjel malaj k’ojob’anb’il aatin. Sa’eb’ li k’ojob’anb’il k’anjel, wan k’a’ru nab’aanuman li wan xyaalalil re musiq’ej. K’ojob’anb’il k’anjel naraj ajwi’ xyeeb’al eb’ lix chaq’rab’ ut lix k’uub’anb’il aatin li Dios.
Junjunq li k’ojob’anb’il k’anjel sa’ li Iglees a’aneb’ rosob’tesinkil li yaj (Stgo. 5:14–15), rosob’tesinkil li loq’laj wa’ak (Tz. ut S. 20:77, 79), kub’sink ha’ chi sub’b’il sa’ ha’ (Mat. 3:16; Tz. ut S. 20:72–74), rosob’tesinkileb’ li kok’al (Tz. ut S. 20:70), xk’eeb’al li Santil Musiq’ej (Tz. ut S. 20:68; 33:15), xk’eeb’al li tijonelil (Tz. ut S. 84:6–16; 107:41–52), eb’ li k’ojob’anb’il k’anjel re li santil ochoch (Tz. ut S. 124:39), ut li sumlaak sa’ li ak’ ut junelikil sumwank (Tz. ut S. 132:19–20).
K’ojob’anb’il k’anjel chi uuchilej
Jun li k’ojob’anb’il k’anjel re li paab’aal, b’aanunb’il xb’aan li ani yo’yo choq’ re li ani kamenaq. Eb’ li k’ojob’anb’il k’anjel a’in ka’ajwi’ wankeb’ xwankil wi eb’ li b’aanunb’il ruuchileb’ neke’xk’ulub’a, neke’xpaab’ li sumwank li wan rochb’een, ut neke’tz’ape’k rik’in li Loq’laj Musiq’ej re li Yeechi’ink. Eb’ li k’ojob’anb’il k’anjel a’in neke’b’aanuman anajwan sa’eb’ li santil ochoch.