Kawil ch’oolej chixyo’oninkil ut rajb’al li osob’tesink li yeechi’inb’il xb’aan li tiikilal. Sa’eb’ li loq’laj hu, yeeb’il resil li yo’onink jo’ royb’eninkil li junelik yu’am xb’aan xpaab’ankil li Jesukristo.
Osob’tesinb’il li winq li wan li Qaawa’ choq’ xyo’onihom, Jer. 17:7 .
Li Qaawa’ a’anaq xyo’onihom lix tenamit, Joel 3:16 .
Taawanq qayo’onihom sa’ xk’ab’a’ li kuyuk ut eb’ li loq’laj hu, Rom. 15:4 .
Li Dios koorala sa’ jun yo’yookil yo’onihom rik’in lix waklijik chi yo’yo li Jesukristo, 1 Pe. 1:3 .
Li junjunq chi winq li nayo’onink re a’in naxsaqob’resi rib’, 1 Jn. 3:2–3 .
Tento teetiikisi eerib’ chi uub’ej, rik’in tz’aqal xlemtz’unkil li yo’onink, 2 Ne. 31:20 .
Ilomaq naq taawanq eerik’in li paab’aal, li yo’onink, ut li rahok, Alma 7:24 (1 Kor. 13:13 ; Moro. 10:20 ).
Nawaj naq chex’ab’inq taxaq chiru li waatin, rik’in xyo’oninkil naq teek’ul li junelik yu’am, Alma 13:27–29 .
Wi wan eepaab’aal nekeyo’oni k’a’aq re ru li moko ilb’il ta ru, li yaal, Alma 32:21 (Heb. 11:1 ).
Nachal li yo’onink xb’aan paab’aal ut naxk’e jun xaqleb’ choq’ re li aamej, Eter 12:4 (Heb. 6:17–19 ).
Li winq tento taayo’oninq, malaj ut ink’a’ naru chixk’ulb’al jun reechanihom, Eter 12:32 .
Laj Mormon ki’aatinak chirix li paab’aal, li yo’onink, ut li rahok, Moro. 7:1 .
Teeyo’oni sa’ xk’ab’a’ lix tojb’al rix li maak xb’aan li Jesukristo ut lix wankil lix waklijik chi yo’yo, naq texwaklesiiq sa’ li yu’am chi junelik, Moro. 7:40–43 .
Li Santil Musiq’ej nanujob’resink eere rik’in yo’onink, Moro. 8:26 (Rom. 15:13 ).