Lix rox komon sa’ li Roxichal li Dios (1 Jn. 5:7 ; Tz. ut S. 20:28 ). A’an musiq’ejil winq, maak’a’ xjunxaqalil re tib’ ut b’aq (Tz. ut S. 130:22 ). Kok’ aj xsa’ yeeb’il resil li Santil Musiq’ej jo’ li Musiq’ej, malaj lix Musiq’ li Dios.
Li Santil Musiq’ej naxb’aanu junjunq li xnimal ru k’anjel sa’ li k’uub’anb’il na’leb’ re li kolb’a-ib’. (1) Naxch’olob’ xyaalal li Yuwa’b’ej ut li K’ajolb’ej (1 Kor. 12:3 ; 3 Ne. 28:11 ; Eter 12:41 ). (2) Naxk’utb’esi li yaal chirix chixjunil li k’a’aq re ru (Jwan 14:26 ; 16:13 ; Moro. 10:5 ; Tz. ut S. 39:6 ). (3) Naxsantob’resiheb’ li ani xe’xjal xk’a’uxl ut xe’kub’e xha’ (Jwan 3:5 ; 3 Ne. 27:20 ; Mois. 6:64–68 ). (4) A’an li Loq’laj Musiq’ej re Yeechi’ink (Tz. ut S. 76:50–53 ; 132:7, 18–19, 26 ).
Lix wankil li Santil Musiq’ej naru nachal sa’ xb’een junaq rub’elaj li kub’iha’ ut tixk’ut xyaalal naq yaal li evangelio. A’ut li maatan re xk’ulb’al li Santil Musiq’ej rajlal naq k’ulub’ej junaq, a’an jun li maatan li ka’ajwi’ naru chi k’ule’k rik’in xk’eeb’al li uq’ej xb’aan junaq li nak’amok re li Tijonelil re Melkisedek, chirix naq uxb’il li kub’iha’ sa’ lix tz’aqal Iglees li Jesukristo, chi k’eeb’il li wankilal.
Li Jesus kixk’ut naq chixjunil li maak naru chi kuymank, ka’ajwi’ xmajewankil li Santil Musiq’ej ink’a’ (Mat. 12:31–32 ; Mar. 3:28–29 ; Luk. 12:10 ; Heb. 6:4–8 ; Tz. ut S. 76:34–35 ).
Eb’ li Apostol ke’taqlaak chi kub’sink ha’ sa’ lix k’ab’a’ li Yuwa’b’ej, li K’ajolb’ej, ut li Santil Musiq’ej, Mat. 28:19 .
Li Santil Musiq’ej tixk’ut cheru chixjunil li k’a’aq re ru, Jwan 14:26 .
Eb’ li santil winq ke’aatinak chi eek’asinb’ileb’ xb’aan li Santil Musiq’ej, 2 Pe. 1:21 .
Laj Nefi k’amb’il chaq xb’e xb’aan li Musiq’ej, 1 Ne. 4:6 .
Lix muqmuukil na’leb’ li Dios taateeliiq chiruheb’ rik’in lix wankil li Santil Musiq’ej, 1 Ne. 10:17–19 .
Li Santil Musiq’ej tixk’ut cheru chixjunil li k’a’aq re ru tento teeb’aanu, 2 Ne. 32:5 .
Rik’in lix wankil li Santil Musiq’ej naru teenaw li yaal chirix chixjunil li k’a’aq re ru, Moro. 10:5 .
Li Santil Musiq’ej aawe sa’ laa k’a’uxl ut sa’ laa ch’ool, Tz. ut S. 8:2 .
Li Musiq’ej nak’amok b’e chixb’aanunkil li chaab’il, Tz. ut S. 11:12 .
Li Santil Musiq’ej nanawok re chixjunil li k’a’aq re ru, Tz. ut S. 35:19 .
Li Santil Musiq’ej naxk’ut li tuqtuukil k’a’aq re ru re li awa’b’ejihom, Tz. ut S. 36:2 (Tz. ut S. 39:6 ).
Wi moko nekek’ul ta li Musiq’ej ink’a’ texk’utuq, Tz. ut S. 42:14 .
Li Santil Musiq’ej naxch’olob’ xyaalal li Yuwa’b’ej ut li K’ajolb’ej, Tz. ut S. 42:17 (1 Kor. 12:3 ; 3 Ne. 11:32, 35–36 ).
Re junjunq k’eeb’il xb’aan li Santil Musiq’ej xnawb’al naq li Jesukristo a’an li Ralal li Dios, Tz. ut S. 46:13 .
Yalaq k’a’ru te’xye naq eek’asinb’ileb’ xb’aan li Santil Musiq’ej, a’anaq loq’laj hu, Tz. ut S. 68:4 .
Li Santil Musiq’ej taahirmanq re xch’olob’ankil xyaalal chixjunil li k’a’aq re ru li b’arwan nekeye, Tz. ut S. 100:8 .
Li Santil Musiq’ej taa’ochb’eeninq aawe rajlal, Tz. ut S. 121:45–46 .