Apostol

Sa’ li Griego, Apostol naraj naxye “taqlanb’il chi xik.” A’an li k’ab’a’ej k’eeb’il xb’aan li Jesus reheb’ li Kab’laju li kixsik’ ru ut kixk’ojob’ re te’wanq choq’ tzolom ut choq’ aj tenq’anel chi nach’ rik’in chiru lix k’anjel sa’ li ruchich’och’ (Luk. 6:13; Jwan 15:16). A’an kixtaqlaheb’ chi xik re xb’aanunkil ruuchil a’an ut re k’anjelak ruuchil a’an chirix naq taqenaq sa’ choxa. Sa’ najter kutan jo’ ajwi’ sa’ lix Molameb’ li Kab’laju chi Apostol sa’ li Iglees li k’ojob’anb’il wi’chik anajwan, jun li Apostol a’an jun sik’b’il ru aj yehol nawom chirix li Jesukristo sa’ chixjunil li ruchich’och’ re xch’olob’ankil xyaalal lix diosilal ut lix waklijik sa’ xyanqeb’ chaq li kamenaq (Hech. 1:22; Tz. ut S. 107:23).

Eb’ li ink’a’ te’ab’inq re li raatineb’ li profeet ut eb’ li apostol, te’isiiq chaq, Tz. ut S. 1:14 (3 Ne. 12:1).
Nak’utb’esiman lix b’oqb’aleb’ ut lix taqlanb’il k’anjeleb’ li Kab’laju, Tz. ut S. 18:26–36.
Laj Jose Smith kik’ojob’aak choq’ Apostol, Tz. ut S. 20:2; 21:1.
Eb’ li Apostol a’aneb’ aj yehol nawom sik’b’il ru chirix lix k’ab’a’ li Kristo, ut neke’xk’am xlaawil li k’anjel, Tz. ut S. 27:12 (Tz. ut S. 112:30–32).
Eb’ li Kab’laju chi Apostol neke’wan choq’ jun molam, juntaq’eet sa’ li wankilal k’eeb’ileb’ re, rik’in li Xb’eenil Awa’b’ejil, Tz. ut S. 107:23–24.
Eb’ li Kab’laju a’aneb’ jun Jolominel Taqenaqil Ch’utam aj b’ehenel, Tz. ut S. 107:33.
Eb’ li Apostol neke’k’amok re lix laawil lix k’anjeleb’ laj k’amol aatin, Tz. ut S. 107:35.
Nayeeman resil junjunq li k’anjel teneb’anb’il sa’ xb’eeneb’ li Apostol, Tz. ut S. 107:58.
Ninye re chixjunileb’ li Kab’laju: taaqehomaqin, ut ch’olanihomaqeb’ lin karneer, Tz. ut S. 112:14–15.

Lix sik’b’aleb’ ru li Apostol

Eb’ li Apostol sik’b’ileb’ ru xb’aan li Qaawa’ (Jwan 6:70; 15:16).