Xb’aanunkil lix k’anjel li Qaawa’ sa’ li ruchich’och’. Eb’ li moos li sik’b’ileb’ ru xb’aan li Dios tento naq te’b’oqe’q xb’aan li Dios re te’ruuq chi k’anjelak sa’ lix k’anjel. Naq eb’ li tz’aqal aj k’anjel neke’xb’aanu li rajom xch’ool li Dios, neke’xb’aanu ruuchil li Qaawa’ sa’ lix k’anjeleb’, ut neke’ok choq’ aj b’aanunel k’anjel chiru a’an (Tz. ut S. 64:29), ut chi jo’kan na’uxman li k’anjel li na’ajman choq’ re xkolb’aleb’ li winq. Li Qaawa’ kixk’eheb’ li apostol, eb’ li profeet, eb’ laj osob’tesinel, eb’ li taqenaqil aj tij, aj setenta, li xb’eenil, li obiisp, eb’ laj tij, eb’ laj tzolonel, eb’ laj tenq’anel, ut li jolomink choq’ re xtz’aqob’resinkileb’ ru laj santil paab’anel, choq’ re li k’anjel re li paab’aal (1 Kor. 12:12–28; Ef. 4:11–16; Tz. ut S. 20; 107).