Herodes

Jun li junkab’al chi aj taqlanel sa’ Judea, nach’ rik’in xkutankil li Jesukristo. K’a’jo’ naq yeeb’ileb’ resil sa’ naab’al li ki’uxman sa’ li Ak’ Chaq’rab’. Kitiklaak li junkab’al a’in rik’in li xnimal ru Herodes, li kixxuwa xyo’lajik li Kolonel (Mat. 2:3) ut kixtaqla naq te’kamsiiq li k’uula’al sa’ Belen. Li ralal a’aneb’ laj Aristobulo; laj Herodes Felipe (Mat. 14:3; Mar. 6:17); laj Herodes Antipas, li tetrarka (Mat. 14:1; Luk. 9:7; nawb’il ajwi’ ru jo’ li rey Herodes, Mar. 6:14); laj Arkelao (Mat. 2:22) ut laj Felipe, li tetrarka sa’ Iturea (Luk. 3:1). Laj Herodes Agripa Ⅰ (Hech. 12:1–23) ut li xHerodias li ranab’ (Mateo 14:3; Mar. 6:17) a’aneb’ ralal xk’ajol laj Aristobulo. Laj Herodes Agripa Ⅰ ke’wan naab’al li ralal xk’ajol li yeeb’ileb’ ajwi’ resil sa’ li Ak’ Chaq’rab’, jo’ laj Herodes Agripa Ⅱ (Hech. 25:13), li xBerenice (Hech. 25:13) ut li xDrusila, rixaqil laj Felix (Hech. 24:24).