Kuyuk toj sa’ roso’jik Chi’ilmanq ajwi’ Aaleek, aalenk; Ch’a’ajkilal; Kuyuk Kanaak chi xaqxo ut chi k’eek’o xch’ool chixpaab’ankil lix taqlahom li Dios, us ta nachal li aaleek, li wech’e’k, ut li ch’a’ajkilal. Ani nakuyuk toj sa’ roso’jik, taakole’q, Mat. 10:22 (Mar. 13:13). Maak’a’eb’ xxe’, ut yal jun k’amok neke’kuyuk, Mar. 4:17. Li rahok chixjunil naxkuy, 1 Kor. 13:7. Chirix naq kikuyuk laj Abraham rik’in anchal lix kuyum, kixk’ul li yeechi’inb’il, Heb. 6:15. Wi neke’kuyuk toj sa’ roso’jik te’waklesiiq sa’ roso’jik li kutan, 1 Ne. 13:37. Wi tex’ab’inq chiruheb’ li taqlahom, ut texkuyuq toj sa’ roso’jik, texkole’q, 1 Ne. 22:31 (Alma 5:13). Wi teetiikisi eerib’ chi uub’ej rik’in xtzekankil xsahil li raatin li Kristo, ut texkuyuq toj sa’ roso’jik, taawanq eeyu’am chi junelik, 2 Ne. 31:20 (3 Ne. 15:9; Tz. ut S. 14:7). Ani nak’uluk re lin k’ab’a’ sa’ xb’een, ut nakuyuk toj sa’ roso’jik, a’an taakole’q, 3 Ne. 27:6. Ani nakuyuk sa’ lin iglees toj sa’ roso’jik, a’an tinxaqab’ sa’ xb’een insaqoonaq, Tz. ut S. 10:69. Ani nakuyuk sa’ xpaab’aal taanumtaaq sa’ xb’een li ruchich’och’, Tz. ut S. 63:20, 47. Chixjunil li k’ojarib’aal ut li awa’b’ejil taak’ehe’q sa’ xb’eeneb’ chixjunil li ke’kuyuk chi kaweb’ xch’ool choq’ re lix evangelio li Jesukristo, Tz. ut S. 121:29.