Egipto

Jun li tenamit li wan sa’ xnim li saq’e sa’ li ch’och’ Africa, sa’ xjayal li releb’aal saq’e. Lix nimal li ch’och’ Egipto wan chi chaqi ut chi yamyo. Lix k’ihaleb’ li ani wankeb’ rochoch aran neke’wan sa’ li ru taq’a re li nima’ Nilo, li 890 kiloom xnimal li roq.

B’ihom chaq li tenamit Egipto najter, ut k’a’jo’ naq ki’usa. Ki’ux xnimal ru kab’lak aran, jo’ xb’ehil li ha’ re xk’eeb’al xha’il li awimq, li kawil tenamit re xkolb’aleb’ rib’, ut li reyil eetalil, jo’eb’ li xninqal ru tzuulil pek li ke’wan choq’ muqleb’aal kamenaq ut choq’ santil ochoch, li toj wankeb’ choq’ sachb’a-ch’oolej chiru li ruchich’och’. Chiru junjunq chihab’, lix jolomil li tenamit aran Egipto kisik’man xjuntaq’eetankil rik’in li k’anjelil re li tijonelil li nanumsiman chalen chaq li yuwa’b’ej toj rik’in li alalb’ej (Abr. 1:21–27).