Kiwan qayu’am naq toj maji’ nokoyo’la sa’ li ruchich’och’. Chixjunileb’ li winq ut li ixq ke’wan rik’in li Dios jo’ li ralal xk’ajol sa’ musiq’ej rub’elaj naq ke’chal sa’ li ruchich’och’ jo’ winq li wan li kamk sa’ xb’een. Wan naq li xb’een wanjik nayeeman re a’in (Abr. 3:26 ).
Naq li Dios kixk’e xk’ojob’ankil li ruchich’och’, chixjunileb’ li ralal li Dios ke’xjap re xb’aan xsahileb’ xch’ool, Job 38:4–7 .
Li musiq’ej taasutq’iiq rik’in li Dios li kik’ehok chaq re, Ekl. 12:7 .
Rub’elaj naq katinpak’ sa’ xsa’ laa na’ kinnaw aawu, Jer. 1:4–5 .
Laa’o li ralal xk’ajol, Hech. 17:28 .
Li Dios kixsik’ qu rub’elaj lix k’ojlajik li ruchich’och’, Ef. 1:3–4 .
Tento toowanq rub’el xwankil lix Yuwa’eb’ li musiq’ej, Heb. 12:9 .
Eb’ li anjel li ink’a’ ke’paab’ank re li xb’een xwanjikeb’, kixk’uula sa’ b’ak’leb’ ch’iich’ li junelik nakana, Jud. 1:6 (Abr. 3:26 ).
Laj tza ut eb’ lix anjel ke’isiik chaq, Apok. 12:9 .
Li Kristo ki’ilok re xnimal ru xhelam li junelik q’e kutan, ut li teep re choxa, rub’elaj naq kiyiib’aman li ruchich’och’, Tz. ut S. 38:1 .
Li winq kiwan ajwi’ sa’ xtiklajik rik’in li Dios, Tz. ut S. 93:29 (Hel. 14:17 ; Tz. ut S. 49:17 ).
Eb’ li musiq’ej tiikeb’ raam ke’sik’e’ ru sa’ xtiklajik chi wank choq’ aj taqlanel sa’ li Iglees, Tz. ut S. 138:53–55 .
Naab’al ke’xk’ul xb’een wa lix tzolb’aleb’ sa’ li ruchich’och’ reheb’ li musiq’ej, Tz. ut S. 138:56 .
Chixjunil li k’a’aq re ru kiyo’ob’tesiman sa’ musiq’ejil, rub’elaj naq kiwan sa’ li ruchich’och’, Mois. 3:5 .
Laa’in kinyo’ob’tesi li ruchich’och’, ut eb’ li winq rub’elaj naq ke’wan sa’ li tz’ejwalej, Mois. 6:51 .
Laj Abraham kiril eb’ li ani aj k’oxlanel li ke’k’uub’aman rub’elaj naq kiwan li ruchich’och’, Abr. 3:21–24 .