Tenq’ choq’ re li tzolok
Profeet


Profeet

Jun li ani b’oqb’il xb’aan li Dios ut na’aatinak choq’ re li Dios. Jo’ aj k’amol aatin re li Dios, jun profeet naxk’uleb’ li taqlahom, li profeetil aatin, ut li k’utb’esink rik’in li Dios. Lix k’anjel a’an xk’eeb’al chi nawmank chiruheb’ li winq chan ru li Dios ut k’a’ru li rajom, ut xk’utb’al chiruheb’ xyaalalil li k’a’ru naxb’aanu li Dios choq’ reheb’. Li profeet naxjit li maak ut naxye k’a’ru taa’k’ule’q xb’aan. A’an aj jultikanel re li tiikilal. Wan naq eb’ li profeet musiq’anb’ileb’ chixyeeb’al li k’a’ru toj taak’ulmanq, choq’ re lix chaab’ilaleb’ li winq. Li xb’eenil k’anjel, b’an, a’an xch’olob’ankil xyaalal li Kristo. Li Awa’b’ej re Lix Iglees li Jesukristo reheb’ laj Santil Paab’anel sa’ Roso’jikeb’ li Kutan a’an lix profeet li Dios sa’ li ruchich’och’ anajwan. Eb’ li komon sa’ li Xb’eenil Awa’b’ejil ut li Kab’laju chi Apostol xaqab’anb’ileb’ xwankil jo’ profeet, aj ilol na’leb’, ut aj k’utb’esineleb’.