Tiik ru naq junelik taak’eemanq li osob’tesink choq’ reeqaj li tiikil na’leb’ ut b’aanuhom, ut li tojb’a-maak choq’ reeqaj li maak. Li tiik ruhil na’leb’, a’an jun chaq’rab’ re junelik, li narelaji naq taawanq junaq tojb’a-maak rajlal sut naq naq’etman jun lix chaq’rab’ li Dios (Alma 42:13–24). Li ani namaakob’ tento taawanq tojb’a-maak sa’ xb’een wi ink’a’ naxjal xk’a’uxl (Mos. 2:38–39; Tz. ut S. 19:17). Wi naxjal xk’a’uxl, li Kolonel naxtoj xtz’aq a’an rik’in lix tojb’al rix li maak, ut naxk’e chi uxmank li uxtaanak (Alma 34:16).