Kamsinb’il sa’ xk’ab’a’ xpaab’aal Li ani naxq’axtesi lix yu’am ruuchil xtz’eqtaanankil li Kristo, li evangelio, malaj lix tiik ruhil na’leb’ ut paab’ahom. Chixjunil lix kik’el li tiikeb’ xch’ool, chalen chaq laj Abel toj reetal laj Sakarias toj laj Barakias, tixch’olob’ xmaakeb’ laj maak, Mat. 23:35 (Luk. 11:50). Ani taasachq xyu’am chiru choq’ we laa’in, tixkol xyu’am, Mar. 8:35 (Tz. ut S. 98:13). Ut ke’xkuti laj Esteban chi pek, Hech. 7:59 (Hech. 22:20). Re taawanq xwankil lix huhil li eechaniik, tento taawanq xkamik laj k’ehol eechanihom, Heb. 9:16–17. Laj Abinadi kit’ane’, chirix xk’ulb’al li kamk rik’in xam, Mos. 17:20. Eb’ laj Ammonihahita li ke’jale’ chaq xch’ool ke’kute’ sa’ li xam, Alma 14:8–11. Naab’al ke’kamsiik xb’aan naq ke’xch’olob’ xyaalal li k’a’aq re ru a’in, 3 Ne. 10:15. Ani naq’axtesink re lix yu’am sa’ lin k’anjel, choq’ re lin k’ab’a’, tixtaw li yu’am chi junelik, Tz. ut S. 98:13–14. Laj Jose Smith ut laj Hyrum Smith ke’k’amsiik sa’ xk’ab’a’ lix k’ojob’ankil wi’chik li evangelio, Tz. ut S. 135. Laj Jose Smith kixtz’ap rik’in lix kik’el li yaal kixch’olob’, Tz. ut S. 136:39.