Q’etok paab’ank Chi’ilmanq ajwi’ Po’resink ch’oolej; Xk’ojob’ankil wi’chik li evangelio Naq kanab’anb’il li yaal xb’aan jun winq, jun li iglees, malaj jun nimla tenamit. Li q’etok paab’ank Eb’ laj Israel ke’tije’ naq ink’a’ te’xjalb’ehi rib’ rik’in li Qaawa’, Deut. 29:18. B’ar maak’a’ li k’utb’esinb’il matk’, neke’oso’ li tenamit, Prov. 29:18. Xe’xq’et li junelikil sumwank, Isa. 24:5. Li iq’ kixpik’a rib’ chiru li ochoch a’an, ut kit’ane’, Mat. 7:27. Sachso inch’ool naq q’axal sa’ junpaat isinb’ilex chaq toj sa’ jalan chik evangelio, Gal. 1:6. Eb’ li ke’xtikib’ chaq li b’e ke’xkanab’ lix b’eheb’ sa’ li choql, 1 Ne. 8:23 (1 Ne. 12:17). Chirix naq ke’xyal li ru che’ ke’xutaanak, ke’xjalb’ehi rib’ sa’eb’ li b’e ink’a’ us xk’amb’al, 1 Ne. 8:28. Li q’etok paab’ank xb’aaneb’ laj Nefita kiwan choq’ nimla tichk’ob’aal chiruheb’ li ink’a’ neke’paab’an, Alma 4:6–12. Wankeb’ li komon sa’ li Iglees li ke’xq’etq’eti rib’ ut ke’ok chixrahob’tesinkileb’ chik li komon, Hel. 3:33–34 (Hel. 4:11–13; 5:2–3). Sa’ li kutan ajwi’ naq li Qaawa’ naxk’e chi usaak lix tenamit, wan naq neke’xkawob’resi li raameb’, ut nasach a’an sa’ xch’ooleb’, Hel. 12:2; 13:38. Eb’ laj Nefita ke’xkawob’resi li raameb’ ut ke’ok rub’el xwankil laj Satanas, 3 Ne. 2:1–3. Laj Moroni na’aatinak jo’ profeet chirix li q’etok paab’ank sa’ roso’jikeb’ li kutan, Morm. 8:28, 31–41. Taawanq li q’etok paab’ank rub’elaj lix kab’ xk’ulunik li Qaawa’, Tz. ut S. 1:13–16. Li q’etok paab’ank sa’ lix Igleeseb’ laj kristiano najter Li tenamit a’in neke’nach’ok wik’in sa’eb’ li re, Isa. 29:10, 13. Li q’ojyin tixtz’ap xb’een li ch’och’, Isa. 60:2. Li Qaawa’ tixtaqla li we’ej re rab’inkil li raatin li Qaawa’, Amos 8:11. Te’wakliiq li b’alaq’il Kristo, ut eb’ li b’alaq’il profeet, Mat. 24:24. Eb’ li josq’ aj xojb’ te’ok sa’ eeyanq, Hech. 20:29. Sachso inch’ool naq q’axal sa’ junpaat isinb’ilex chaq rik’in a’an, Gal. 1:6. Taawanq jun jalb’ehiik rub’elaj li xkab’ xk’ulunik li Qaawa’, 2 Tes. 2:3. Wankeb’ li xe’sach chirix li yaal, 2 Tim. 2:18. Wankeb’ li neke’k’utun jo’ li wan choxahilal rik’ineb’, a’b’an neke’xtz’eqtaana lix wankilal a’an, 2 Tim. 3:2–5. Taachalq xkutankil naq ink’a’ te’xkuy li chaab’il tzol’leb’, 2 Tim. 4:3–4. Te’wanq li b’alaq’il profeet ut li b’alaq’il aj tzolonel sa’ xyanq li tenamit, 2 Pe. 2:1. Wankeb’ li winq li ke’xch’ik rib’, li neke’xtz’eqtaana xyaalal li jun ajwi’ chi Qaawa’ Dios, Jud. 1:4. Wankeb’ li neke’xye rib’ naq a’aneb’ apostol, ut maawa’eb’, Apok. 2:2. Laj Nefi kiril xk’ojlajik jun li nimla tz’eqb’eetalil iglees, 1 Ne. 13:26. Eb’ laj Gentil xe’tichk’ok ut xe’xwaklesi k’iila iglees, 2 Ne. 26:20. Eb’ a’an ke’el chaq rik’ineb’ lin k’ojob’anb’il k’anjel, ut ke’xq’et lin sumwank li junelik nakana, Tz. ut S. 1:15. Li q’ojyin naxtz’ap xb’een li ch’och’, ut li nimla q’ojyin lix k’a’uxleb’ li tenamit, Tz. ut S. 112:23. Kiyehe’ re laj Jose naq chixjunileb’ li iglees sachenaqeb’; lix ch’ooleb’ najt wan rik’in li Dios, JS—R 1:19.