Lehi, xyuwa’ laj Nefi

Sa’ lix Hu laj Mormon, jun profeet aj Hebreo li kixk’ameb’ xb’e lix junkab’al ut eb’ li ke’taaqenk re chalen chaq Jerusalen toj sa’ jun li yeechi’inb’il ch’och’ sa’ li ch’och’ America 600 chihab’ tana’ rub’elaj li Kristo. Laj Lehi a’an li xb’een profeet sa’ xyanq lix tenamit sa’ lix Hu laj Mormon.

Laj Lehi ki’el chaq Jerusalen rochb’een lix junkab’al chi taqlanb’il xb’aan li Qaawa’ (1 Ne. 2:1–4). A’an ralal xk’ajol laj Jose, li kik’ayiik chi preexil toj Egipto (1 Ne. 5:14). Li Qaawa’ kixk’utb’esi chiru jun matk’ chirix li che’ re li yu’am (1 Ne. 8:2–35). Laj Lehi ut eb’ li ralal ke’xyiib’ jun li jukub’ ut xkoheb’ toj sa’ li ch’och’ America (1 Ne. 17–18). A’an ut eb’ li ralal xk’ajol ke’xxaqab’ xtenamit sa’ jun li ak’ ch’och’ (1 Ne. 18:23–25). Rub’elaj naq kikam, laj Lehi kirosob’tesiheb’ li ralal ut kixtzoleb’ chirix li Kristo ut chirix lix k’utunik lix Hu laj Mormon sa’ roso’jikeb’ li kutan (2 Ne. 1:1–4:12).