Salomon Chi’ilmanq ajwi’ Betsabe; David Sa’ li Najter Chaq’rab’, jun ralal laj David ut li xBetsabe (2 Sam. 12:24). Laj Salomon kiwan choq’ rey sa’ xb’een Israel chiru naab’al chihab’. Laj David kixxaqab’ laj Salomon choq’ rey, 1 Rey. 1:11–53. Laj David kixchaq’rab’i laj Salomon naq taab’eeq chiru lix b’e li Qaawa’, 1 Rey. 2:1–9. Li Qaawa’ kixye re laj Salomon naq tixk’e xnawom lix ch’ool, 1 Rey. 3:5–15. Kiraqok aatin sa’ xb’een wiib’ li ixq ut kixtz’il rix ani tz’aqal lix na’ jun li k’uula’al, 1 Rey. 3:16–28. Kixk’uub’eb’ li jaljookil ru yehom ut li b’ich, 1 Rey. 4:32. Kixkab’la li santil ochoch, 1 Rey. 6; 7:13–51. Kirosob’tesi li santil ochoch, 1 Rey. 8. Ki’ula’aniik xb’aan li ixqi rey aj Saba, 1 Rey. 10:1–13. Laj Salomon kisumla rik’ineb’ li maawa’eb’ aj Israel, ut eb’ li rixaqil ke’xjalb’ehi lix ch’ool re xloq’oninkil li b’alaq’il dios, 1 Rey. 11:1–8. Li Qaawa’ kijosq’o’ rik’in laj Salomon, 1 Rey. 11:9–13. Kikam, 1 Rey. 11:43. Laj David kixye jo’ profeet resil lix xnimal xloq’al lix awa’b’ejihom laj Salomon, Sal. 72. Laj Salomon kixk’ul k’iila ixaqilb’ej ut moosil ixaqilb’ej, a’ut wankeb’ li ink’a’ kixk’ul rik’in li Qaawa’, Tz. ut S. 132:38 (Jak. 2:24).