Kronikas

Sa’eb’ li ch’ol 1–9, wan chi tustu li reetalil li xe’toonil chalen chaq laj Adan toj reetal laj Saul. Sa’ li ch’ol 10 wan chi tz’iib’anb’il resil lix kamik laj Saul. Sa’eb’ li ch’ol 11–22 yeeb’il resil li k’a’ru kik’ulman sa’ lix awa’b’ejil laj David. Sa’eb’ li ch’ol 23–27 ch’olob’anb’il resil naq laj Salomon kixaqab’aman choq’ rey ut naq ke’tusub’aak ru laj Levita. Sa’ li ch’ol 28 naxch’olob’ xyaalal naq laj David kixtaqla laj Salomon chixyiib’ankil jun li santil ochoch. Li ch’ol 29 naxye resil lix kamik laj David.

Sa’eb’ li ch’ol 1–9 wan li esilal chirix lix awa’b’ejil laj Salomon. Sa’eb’ li ch’ol 10–12 yeeb’il resil lix awa’b’ejil laj Roboam, ralal laj Salomon, sa’ li kijache’ wi’ ru li junajinb’il awa’b’ejihom re Israel sa’ wiib’ chi awa’b’ejihom, sa’ xnim li saq’e ut sa’ xtz’e. Sa’eb’ li ch’ol 13–36 ch’olob’anb’il resileb’ li jar rey toj reetal ki’eechaniik li awa’b’ejihom re Juda xb’aan laj Nabukodonosor. Naraqe’ li hu rik’in lix taqlanb’il aatin laj Siro naq eb’ li ralal xk’ajol laj Juda li preexeb’ te’ruuq chi sutq’iik Jerusalen.