Xaqab’anb’il aatin ut sumwank re li tijonelil

Jun xaqab’anb’il aatin, a’an naq k’eeb’il li raatin junaq naq tixb’aanu chi yaal ut chi tiik li k’a’ru xyeechi’i. Jun sumwank a’an jun tiik ruhil yeechi’ink wankeb’ wi’ wiib’ chi winq. Li Tijonelil re Aaron nak’ule’ ka’ajwi’ rik’in sumwank. Eb’ li neke’k’amok re li Tijonelil re Melkisedek neke’xk’ul rik’in jun xaqab’anb’il aatin li moko yeeb’il ta, jo’ ajwi’ rik’in jun sumwank. Naq eb’ li neke’k’amok re li tijonelil tiikeb’ chi paab’ank ut neke’xnimob’resi ru lix b’oqb’aleb’ jo’ b’eresinb’il xb’aan li Dios, a’an narosob’tesiheb’. Eb’ li tiikeb’ chi paab’ank toj sa’ roso’jik ut neke’xb’aanu chixjunil li k’a’ru naxpatz’ te’xk’ul chixjunil li k’a’ru re li Yuwa’b’ej (Tz. ut S. 84:33–39).