Tzol’leb’ ut Sumwank

Jun li hu ch’utub’anb’il wi’ li k’utb’esinb’il na’leb’ ut musiq’anb’il ch’olob’ank re roso’jik li kutan. Li Qaawa’ kixk’eheb’ a’in re laj Jose Smith ut re junjunq li ke’taaqenk chaq re, choq’ re xxaqab’ankil ut xtuqub’ankil lix awa’b’ejihom li Dios sa’ li ruchich’och’ sa’ roso’jik li kutan. Li Tzol’leb’ ut Sumwank a’an jun reheb’ li xaqab’anb’il loq’laj hu sa’ Lix Iglees li Jesukristo reheb’ laj Santil Paab’anel sa’ Roso’jikeb’ li kutan, rochb’een li Santil Hu, lix Hu laj Mormon, ut li Q’ol Nim Xtz’aq. Li Tzol’leb’ ut Sumwank jalan wi’ b’an, xb’aan naq maawa’ najteril aatin li jaltesinb’il ru; li Qaawa’ kixk’eheb’ li k’utb’esinb’il na’leb’ a’in reheb’ lix profeet li sik’b’ileb’ ru sa’ li kutan wanko wi’, re taa’uxq xk’ojob’ankil wi’chik lix awa’b’ejihom. Sa’eb’ li k’utb’esinb’il na’leb’ a’in na’ab’iman lix yaab’ xkux li Qaawa’ Jesukristo li q’un xyaab’ a’ut kaw xwankil (Tz. ut S. 18:35–36).

Lix tz’iib’anb’il esil laj Jose Smith naxye naq li Tzol’leb’ ut Sumwank a’an lix k’ojob’ankil li Iglees sa’ roso’jikeb’ li kutan, ut jun chaab’ilal choq’ re li ruchich’och’ (xtiklajik li Tz. ut S. 70). Eb’ li k’utb’esinb’il na’leb’ li wankeb’ chi sa’ neke’xtikib’ li k’anjel re xkawresinkil li b’e choq’ re li xkab’ xk’ulunik li Qaawa’, re xtz’aqob’resinkil ru chixjunil li aatin yeeb’il xb’aaneb’ li profeet chalen chaq naq kitikla li ruchich’och’.