Kuyuk Chi’ilmanq ajwi’ Kuyuk toj sa’ roso’jik; Tuulan, tuulanil Li k’ojk’ookil ch’oolej; xk’ulb’al li ch’a’ajkilal, li hob’e’k, malaj li rahob’tesiik chi maak’a’ li ch’iilank chi moko li eeqajunk. Hilan rik’in li Qaawa’, ut aj kuyunelaqat chiroyb’eninkil, Sal. 37:7–8. Li timil chi josq’o’k, nim xna’leb’, Prov. 14:29. Rik’in eekuyum chereechani lee raam, Luk. 21:19. Wan qayo’onihom rik’in kuyuk ut rik’in xk’ojob’ankil qach’ool rik’ineb’ li loq’laj hu, Rom. 15:4. Chetaaqeheb’ li ani rik’in paab’aal ut kuyuk neke’reechani li yeechi’inb’il, Heb. 6:12–15. Kanab’omaq li kuyuk chi k’anjelak chi tz’aqal re ru, re naq tz’aqalaq eere eeru ut yaalo’jenaqaqex, Stgo. 1:2–4. Eerab’ihom resil lix kuyum laj Job, Stgo. 5:11. Ke’xq’axtesi rib’ chi saheb’ sa’ xch’ool ut rik’in kuyuk chiru chixjunil li rajom li Qaawa’, Mos. 24:15. Kanumsi chixjunil li k’a’aq re ru a’in rik’in kuyuk xb’aan naq li Qaawa’ kiwan aawik’in, Alma 38:4–5. Chexkanaaq chi wanq eekuyum toj reetal naq tz’aqob’resinb’il eere eeru, Tz. ut S. 67:13.