Chan ru naq li Dios naraatinaheb’ li ralal xk’ajol sa’ li ruchich’och’. Li k’utb’esinb’il na’leb’ naru nachal xb’aan lix Saqen li Kristo malaj xb’aan li Santil Musiq’ej chi musiq’anb’il, sa’eb’ li matk’ ut k’utb’esinb’il matk’, malaj rik’in li rula’eb’ li anjel. Li k’utb’esinb’il na’leb’ naru naxk’ameb’ xb’e li ani tiikeb’ chi paab’ank toj sa’ li junelikil kolb’a-ib’ sa’ li choxahil awa’b’ejihom.
Li Qaawa’ naxk’utb’esi lix k’anjel chiruheb’ lix profeet, ut naxk’ut chiruheb’ laj paab’anel naq yaal li k’a’ru k’utb’esinb’il chiruheb’ li profeet (Amos 3:7). Rik’in li k’utb’esinb’il na’leb’, li Qaawa’ naxk’am xb’e yalaq ani nasik’ok re wi wan xpaab’aal, naxjal xk’a’uxl, ut na’ab’ink chiru lix evangelio li Jesukristo. “Li Santil Musiq’ej a’an aj k’utb’esinel,” chan laj Jose Smith, ut “maajun winq naru chixk’ulb’al li Santil Musiq’ej chi ink’a’ tixk’ul li na’leb’ chi k’utb’esinb’il.”
Sa’ lix Iglees li Qaawa’, eb’ li Xb’eenil Awa’b’ejil ut lix Molameb’ li Kab’laju chi Apostol a’aneb’ profeet, aj ilol na’leb’, ut aj k’utb’esinel chiru li Iglees ut chiru li ruchich’och’. Li Awa’b’ej sa’ xb’een li Iglees a’an li jun ajwi’ chi winq li k’eeb’il xwankil xb’aan li Qaawa’ re xk’ulb’al li k’utb’esinb’il na’leb’ choq’ re li Iglees (Tz. ut S. 28:2–7). Li junjunq naru chixk’ulb’al li k’utb’esinb’il na’leb’ choq’ re tz’aqal lix chaab’ilal.