Eb’ li aatin, li tz’iib’anb’il jo’ ajwi’ li yeeb’il, xb’aaneb’ li santil winq naq eek’asinb’ileb’ xb’aan li Santil Musiq’ej. Eb’ li tz’aqal xaqab’anb’il loq’laj hu re li Iglees anajwan a’aneb’ li Santil Hu, lix Hu laj Mormon, Tzol’leb’ ut Sumwank, ut li Q’ol Nim Xtz’aq. Li Jesus ut eb’ li ke’tz’iib’ank re li Ak’ Chaq’rab’ ke’xk’oxlaheb’ li hu sa’ li Najter Chaq’rab’ jo’ loq’laj hu (Mat. 22:29; Jwan 5:39; 2 Tim. 3:15; 2 Pe. 1:20–21). Chi’ilmanq ajwi’ Tusleb’aal Chihab’ sa’ li apendice.
Eb’ li loq’laj hu li sachenaq
Wankeb’ k’iila loq’laj tz’iib’ahom li yeeb’il resil sa’eb’ li loq’laj hu li moko wan ta qik’in anajwan, ut sa’ xyanqeb’ wankeb’ li hu ut aj tz’iib’anel a’in: li Sumwank (Exo. 24:7), eb’ li pleet re li Qaawa’ (Num. 21:14), Jaser (Jos. 10:13; 2 Sam. 1:18), lix b’aanuhom laj Salomon (1 Rey. 11:41), laj Samuel aj ilol na’leb’ (1 Kro. 29:29), laj Natan li profeet (2 Kro. 9:29), laj Semaias li profeet (2 Kro. 12:15), laj Ido li profeet (2 Kro. 13:22), laj Jehu (2 Kro. 20:34), lix yehomeb’ laj ilol na’leb’ (2 Kro. 33:19), laj Enok (Jud. 1:14), li raatin laj Tzenok, laj Neum, ut laj Tzenos (1 Ne. 19:10), laj Tzenos (Jakob 5:1), laj Tzenok ut laj Etzias (Hel. 8:20), ut jun xhuhil li jultikaak (Mois. 6:5); ut eb’ li hu taqlanb’il reheb’ laj Korintio (1 Kor. 5:9), reheb’ laj Efesio (Ef. 3:3), chalen chaq Laodicea (Kol. 4:16), ut chalen chaq laj Judas (Judas 1:3).
Tento te’k’uulamanq li loq’laj hu
Xnimal xloq’aleb’ li loq’laj hu
Eb’ li loq’laj hu li yeeb’il rik’in profeetil aatin naq te’elq chi kutankil