Galatas, hu reheb’ laj Galacia

Jun li hu sa’ li Ak’ Chaq’rab’. A’an jun li hu kixtz’iib’a li Apostol Pablo choq’ reheb’ laj santil paab’anel li wankeb’ chiru Galacia. Li na’leb’ yeeb’il xyaalal sa’ li hu a’in, a’an naq li tz’aqal ach’ab’aak ka’ajwi’ natawman rik’in xpaab’ankil lix evangelio li Kristo. Wi eb’ laj santil paab’anel te’xk’ulub’a lix na’leb’eb’ li Kristiano aj Judio li k’eeb’ileb’ xch’ool chixk’uulankil lix chaq’rab’ laj Moises, te’xk’os ru malaj te’xsach li ach’ab’aak ke’xtaw chaq rik’in li Kristo. Sa’ li hu laj Pablo kixk’ut lix wankilal jo’ Apostol, kixch’olob’ li tzol’leb’ chirix li tiikilal sa’ xk’ab’a’ li paab’aal, ut kixxaqab’ xwankil li musiq’ejil paab’aal.

Sa’eb’ li ch’ol 1 ut 2, laj Pablo naxye resil lix rahil xch’ool rik’in rab’inkil resil naq wan li q’etok paab’ank sa’ xyanqeb’ laj Galata, ut kixch’olob’ lix wankilal sa’ xyanqeb’ li Apostol. Eb’ li ch’ol 3 ut 4 neke’aatinak chirix li tzol’leb’ chirix li paab’aal ut li k’anjel. Sa’eb’ li ch’ol 5 ut 6 wan li aatin chirix k’a’ru na’ux xb’aan li tzol’leb’ chirix li paab’aal.