Esekiel
Jun profeet li kitz’iib’ank re lix hu laj Esekiel sa’ li Najter Chaq’rab’. A’an aj tij sa’ lix junkab’al laj Sadok, ut jun reheb’ laj Judio li k’amb’ileb’ chi preexil xb’aan laj Nabukodonosor. Kikana Babilonia rochb’eeneb’ laj Judio li isinb’ileb’ toj Babilonia, ut ki’aatinak jo’ profeet chiru wiib’ xka’k’aal chihab’, chalen 592 toj 570 chihab’ rub’elaj li Kristo.
Lix hu laj Esekiel
Lix hu laj Esekiel naru najachman ru sa’ kaa jachal. Sa’eb’ li ch’ol 1–3 naxye resil jun k’utb’esinb’il matk’ chalenaq chaq rik’in li Dios ut lix b’oqb’al laj Esekiel re taak’anjelaq; sa’eb’ li ch’ol 4–24 na’aatinak chirixeb’ li raqb’a-aatin sa’ xb’een Jerusalen ut k’a’ut naq k’eeb’il; sa’eb’ li ch’ol 25–32 yeeb’il resil li raqb’a-aatin sa’ xb’eeneb’ li jar tenamit; ut sa’eb’ li ch’ol 33–48 tz’iib’anb’il resileb’ li k’utb’esinb’il matk’ chirix Israel sa’ roso’jikeb’ li kutan.