Tenq’ choq’ re li tzolok
Xb’een k’utb’esink


Xb’een k’utb’esink

Naq li Dios Yuwa’b’ej ut li Jesukristo li Ralal ke’xk’ut rib’ chiru li Profeet aj Jose Smith sa’ jun k’iche’.

Sa’ xtiklajik li saq’ehil sa’ 1820, laj Jose Smith, alalb’ej, wan sa’ ro’laju chihab’ xyu’am. Kiwan rik’in lix junkab’al sa’ xweent li tenamit Palmyra, Nueva York. Moko najt ta rik’in rochoch lix junkab’al sa’ rokeb’aal li saq’e wan jun na’ajej wankeb’ wi’ li ninqi xtoonal li che’. Laj Jose xko’o sa’ li na’ajej a’an re tijok chiru li Dios re tixtzol b’arwan reheb’ li iglees yaal naxye. A’an kitoch’e’ chaq xch’ool naq yoo chirilb’al li Santil Hu naq tento tixsik’ xsumenkil li patz’om a’an rik’in li Dios (Stgo. 1:5–6). Re xsumenkil lix tij, li Yuwa’b’ej ut li K’ajolb’ej ke’xk’ut rib’ chiru ut ke’xye re naq maajun reheb’ li iglees li wankeb’ sa’ li ruchich’och’ tixjunaji wi’ rib’, xb’aan naq sachenaqeb’ chixjunileb’ (JS—R 1:15–20). Rik’in li santil ilom a’in kitikla jun siir chi na’leb’ li taak’amoq chaq xk’ojob’ankil wi’chik li evangelio ut lix tz’aqal Iglees li Jesukristo.