Xjalajik li qak’a’uxl ut li qach’ool li na’ak’ob’resink re li k’a’ru naqak’oxla chirix li Dios, chiqix laa’o, ut chirix li qayu’am. Li jalb’a-k’a’uxlej naraj naxye risinkil qib’ rik’in li maa’usilal ut xq’axtesinkil li qach’ool ut li qajom re li Dios, xk’eeb’al qib’ rub’el lix taqlahom ut li rajom xch’ool li Dios, ut xkanab’ankil li maak. Li tz’aqal jalb’a-k’a’uxlej nachal naq naqara li Dios ut naq anchal qach’ool chixpaab’ankil lix taqlahom. Chixjunileb’ li ani tz’aqaleb’ xna’leb’ re teneb’aak wan li maak xe’xb’aanu ut tento te’xjal xk’a’uxl re taaruuq te’xchaab’ilob’resi rib’ re xk’ulb’al li kolb’a-ib’. Ka’ajwi’ rik’in lix tojb’al rix li maak xb’aan li Kristo naru taak’anjelaq lix jalb’al li qak’a’uxl ut taawanq chi k’ulub’anb’il xb’aan li Dios.