Joel
Jun profeet sa’ li ch’och’ Juda sa’ li Najter Chaq’rab’. Ink’a’ nanawman jo’q’e kiwan xyu’am—naru naq kiwan chi yo’yo chirix lix awa’b’ejil laj Johas, 850 chihab’ rub’elaj li Kristo, ut rub’elaj lix sutq’ijik chaq lix teepal Juda chi preexil aran Babilonia.
Lix hu laj Joel
Lix nimal ru na’leb’ sa’ li hu a’an jun li profeetil aatin kixye laj Joel chirix naq li ch’och’ Juda kirahob’tesiik xb’aan xmaak’a’il li hab’ ut xb’aaneb’ laj saak’ (Joel 1:4–20). Laj Joel naxye reheb’ li tenamit naq rik’in xjalb’aleb’ xk’a’uxl te’ruuq wi’chik chi osob’tesiik xb’aan li Dios (Joel 2:12–14).
Sa’ li ch’ol 1 nab’oqman jun ch’utlajik re tiik ruhil k’a’uxlej sa’ li rochoch li Qaawa’. Li ch’ol 2 naxye resil li pleetik ut li sache’k li taa’uxmanq naq maji’ natikla li Jun Mil Chihab’. Li ch’ol 3 na’aatinak chirix roso’jikeb’ li kutan, ut naxch’olob’ naq chixjunileb’ li ninqi tenamit te’wanq chi pleetik, a’ut naq moqon li Qaawa’ taawanq Sion.
Laj Pedro kixye lix profeetil aatin laj Job chirix lix hoyonik li Musiq’ej sa’ li kutan Pentekostes (Joel 2:28–32; Hech. 2:16–21). Li anjel aj Moroni kixye ajwi’ li aatin a’an re laj Jose Smith (JS—R 1:41).