Li kole’k chiru li kamk re tz’ejwalej jo’ ajwi’ re musiq’ej. Chiqajunil tookole’q chiru li kamk re tz’ejwalej xb’aan li rusilal li Dios, xb’aan lix kamik ut lix waklijik chi yo’yo li Kristo. Li junjunq naru chi kole’k chiru li kamk re musiq’ej xb’aan li rusilal li Dios, rik’in xpaab’ankil li Jesukristo. Nak’utun li paab’ank a’in rik’in xnumsinkil li qayu’am sa’ xpaab’ankileb’ li chaq’rab’ ut li k’ojob’anb’il k’anjel re li evangelio, ut rik’in k’anjelak chiru li Kristo.
Li Qaawa’ a’an lin kutan ut lin kolb’al, Sal. 27:1 .
Ka’ajwi’ a’an lin saqoonaq ut lin kolb’al, Sal. 62:2 .
Li evangelio a’an lix wankilal li Dios choq’ re li kolb’a-ib’, Rom. 1:16 (Tz. ut S. 68:4 ).
Chesik’ xk’anjelankil tz’aqal eekolb’al rik’in xiw ut siksotk, Filip. 2:12 .
Li Dios kixsik’ eeru choq’ re li kolb’a-ib’, rik’in lix santob’resihom li Musiq’ej, 2 Tes. 2:13 .
Li Jesukristo a’an li jun ajwi’ chi k’ab’a’ej li taachalq wi’ li kolb’a-ib’, Mois. 6:52 (Hech. 4:10–12 ).
Laa’o naqapaab’ naq sa’ xk’ab’a’ lix tojb’al rix li maak xb’aan li Kristo, chixjunileb’ li winq neke’ru chi kole’k, R. li P. 1:3 .
Kolb’a-ib’ reheb’ li kok’al
Eb’ li kok’al li ka’ch’in xyu’ameb’ wankeb’ ajwi’ xyu’am chi junelik, Mos. 15:25 .
Xkub’sinkileb’ ha’ li k’uula’al a’an tz’eqb’eetal na’leb’, ut li kok’al li ka’ch’ineb’ xyu’am yo’yookeb’ rik’in li Kristo, sa’ xk’ab’a’ li xtojb’al rix li maak, Moro. 8:8–24 .
Eb’ li kok’al li ka’ch’ineb’ xyu’am tojb’ileb’ rix sa’ xk’ab’a’ li Junaj Yo’lajenaq, laj Satanas ink’a’ naru chiraalenkileb’, Tz. ut S. 29:46–47 .
Tento taak’utmanq li evangelio chiruheb’ li kok’al ut te’kub’eeq xha’ naq waqxaqib’ chihab’ xyu’ameb’, Tz. ut S. 68:25–28 .
Eb’ li kok’al ka’ch’ineb’ xyu’am santob’resinb’ileb’ xb’aan li Jesukristo, Tz. ut S. 74:7 .
Eb’ li winq neke’ok wi’chik, sa’ xk’uula’alileb’, chi maak’a’eb’ xmaak, Tz. ut S. 93:38 .
Chixjunileb’ li kok’al li neke’kam chi maji’ neke’tz’aqlok chihab’ re te’ruuq chi teneb’aak, kolb’ileb’ sa’ li choxahil awa’b’ejihom, Tz. ut S. 137:10 .