Rub’el tojb’a-maak Chi’ilmanq ajwi’ Raqb’a-aatin sa’ roso’jik; Raqok aatin, raqb’a-aatin Raqb’il aatin xb’aan li Dios naq wan xmaak. Li Dios tixk’e tojb’a-maak sa’ xb’een li winq ink’a’ us xk’anjelahom, Prov. 12:2. Nokoq’use’ xb’aan li Qaawa’, re naq ink’a’ took’ehe’q sa’ tojb’a-maak qochb’een li ruchich’och’, 1 Kor. 11:32. Li qaatin, li qak’anjel, ut li qak’oxlahom tixk’e maak sa’ qab’een, Alma 12:14. Rik’in xnawb’al li k’a’aq re ru a’in ut ink’a’ xb’aanunkil, neke’chal li winq rub’el tojb’a-maak, Hel. 14:19. Wi ta taqakanab’ k’anjelak, took’ame’q raj rub’el tojb’a-maak, Moro. 9:6. Ani ink’a’ naxkuy xmaak lix komon wan chi jitb’il chiru li Qaawa’, Tz. ut S. 64:9. Ani namaakob’ chiru xnimal li saqen, xnimal li tojb’a-maak taak’ehe’q sa’ xb’een, Tz. ut S. 82:3. Chixjunil li Iglees wan rub’el tojb’a-maak toj reetal naq te’xjal xk’a’uxl ut taajultiko’q reheb’ lix Hu laj Mormon, Tz. ut S. 84:54–57.