Deuteronomio

Ro’ li hu sa’ li Najter Chaq’rab’.

Sa’ Deuteronomio wan oxib’ lix yehom laj Moises sa’ roso’jik, li kixye sa’ li helhookil ch’och’ sa’ Mohab rub’elaj naq kijaltesiik ru laj Moises. Sa’ li xb’een yehom (ch’ol 1–4) wan xtikib’ankil. Sa’ li xkab’ yehom (eb’ li ch’ol 5–26) wan wiib’ raqal: (1) eb’ li ch’ol 5–11, li Lajeeb’ chi Taqlahom, ut jun xch’olob’ankil a’an; ut (2) eb’ li ch’ol 12–26, jun k’uub’anb’il siir chi chaq’rab’, li wan choq’ xch’oolil li hu. Sa’ li rox yehom (eb’ li ch’ol 27–30) k’eeb’il chi ak’il sa’ tiik ruhil k’a’uxlej li sumwank wan wi’ Israel rik’in li Dios, ut yeeb’il resil li osob’tesink li taachalq rik’in ab’ink chiru, ut li majewank li taachalq xb’aan xq’etb’al. Sa’eb’ li ch’ol 31–34 naxye resil naq kiq’axtesiman li chaq’rab’ reheb’ laj Levita, lix b’ich laj Moises ut li rosob’tesihom sa’ roso’jik, ut lix xikik laj Moises.