Jaltesiik ru
Naq neke’jale’ li rilob’aal ut lix junxaqalileb’ li winq—a’an naraj naxye, neke’taqsiman xwankileb’ sa’ musiq’ejil—re te’ruuq chixkuyb’al wank chiruheb’ li ani chalenaqeb’ chaq sa’ choxa.
Kijaltesiik ru li Kristo
Laj Pedro, laj Santiago ut laj Jwan ke’ril naq li Qaawa’ kixk’ul xnimal xloq’al ut kijaltesiik ru chiruheb’. Li Qaawa’ kixye chaq chi rub’elaj naq laj Pedro tixk’ul xlaawil li awa’b’ejihom re choxa (Mat. 16:13–19; 17:1–9; Mar. 9:2–10; Luk. 9:28–36; 2 Pe. 1:16–18). Sa’ li xnimal ru kutan a’an, li Kolonel, laj Moises, ut laj Elias (Eliyah) ke’xk’e lix laawil li tijonelil re laj Pedro, aj Santiago, ut laj Jwan, jo’ yeechi’inb’il chaq. Rik’in xlaawil li tijonelil a’in, eb’ li Apostol ke’wan xwankil chixb’aanunkil lix k’anjel li awa’b’ejihom chirix lix taqik li Jesukristo sa’ choxa.
Laj Jose Smith kixk’ut naq sa’ xb’een li tzuul re jaltesiik-u, laj Pedro, laj Santiago, ut laj Jwan ke’jaltesiik ajwi’ ru. Ke’ril jun k’utb’esinb’il matk’ chirix li ruchich’och’ jo’ taak’utunq sa’ li kutan chalel naq k’eeb’ilaq xloq’alil (Tz. ut S. 63:20–21). Ke’ril laj Moises ut laj Elias, jalb’ileb’ li rilob’aal xkab’ichaleb’, ut ke’rab’i lix yaab’ xkux li Yuwa’b’ej. Li Yuwa’b’ej kixye, “A’in li Walal raaro inb’aan, li nasaho’ wi’ chi tz’aqal inch’ool; cherab’i a’an” (Mat. 17:5)