Jose, xb’eelom li xMaria

Xb’eelom li xMaria, xna’ li Jesus. Laj Jose ralal xk’ajol laj David (Mat. 1:1–16; Luk. 3:23–38) ut kiwan Nazaret. Ak tz’aamanb’il chaq li xMaria choq’ rixaqil. Ka’ch’in chik rub’elaj lix sumlajikeb’, li xMaria ki’ula’aniik xb’aan li anjel aj Gabriel, li kixch’olob’ naq li xMaria sik’b’il ru chi wank choq’ xna’ li Kolonel (Luk. 1:26–35). Laj Jose kixk’ul ajwi’ xna’leb’ chi k’utb’esinb’il chirix li choxahil yo’lajik a’in (Mat. 1:20–25).

Ka’ajwi’ li xMaria wan choq’ ruchich’och’il na’b’ej yuwa’b’ej chiru li Jesus, xb’aan naq li Dios Yuwa’b’ej a’an xyuwa’ li Jesus. A’b’anan eb’ laj Judio ke’ril laj Jose jo’ xyuwa’ li Jesus, ut li Jesus kixk’e xwankil chi jo’kan (Luk. 2:48, 51). Chi tijb’il xb’aaneb’ li choxahil matk’, laj Jose kixkol xyu’am li k’uula’al Jesus rik’in eelelik toj Egipto (Mat. 2:13–14). Chirix naq kikam laj Herodes, jun li anjel kixye re laj Jose naq tixk’am wi’chik li al Jesus toj Israel (Mat. 2:19–23).