Isakar
Jun ralal laj Jakob ut lix Lea sa’ li Najter Chaq’rab’ (Gen. 30:17–18; 35:23; 46:13). Eb’ li ralal xk’ajol ke’ok choq’ jun reheb’ li kab’laju xteepal laj Israel.
Lix teepal laj Isakar
Li rosob’tesihom laj Jakob choq’ re laj Isakar natawman sa’ Genesis 49:14–15. Chirix naq ke’wulak Kanahan, li jun teep a’in kixk’ul jun raqal li ch’och’ xkomon li q’axal na’uuchin sa’ Palestina, sa’ li wan wi’ li helhookil ch’och’ Esdraelon. Sa’ xch’och’eb’ laj Isakar wan junjunq li na’ajej li k’a’jo’ naq yeeb’ileb’ resil sa’ resilaleb’ laj Judio, jo’ Karmelo, Mejido, Dotan, Jelbohe, Jisrehel, Tabor, ut Nazaret (Jos. 19:17–23).