Amulek Chi’ilmanq ajwi’ Alma, ralal laj Alma Sa’ lix Hu laj Mormon, kirochb’eeni laj Alma, ralal laj Alma, jo’ aj k’amol aatin. Ki’ula’aniik xb’aan jun li anjel, Alma 8:20; 10:7. Kixk’ul laj Alma sa’ rochoch, Alma 8:21–27. Kijultikan aatin rik’in wankilal reheb’ li wankeb’ Ammonihah, Alma 8:29–32; 10:1–11. A’an ralal xk’ajol laj Nefi, laj Lehi, ut laj Manases, Alma 10:2–3. Kich’olob’an chirix li yaal, Alma 10:4–11. Kixb’oqeb’ li tenamit chixjalb’aleb’ xk’a’uxl, ut kitz’eqtaanaak, Alma 10:12–32. Kixyal ru rik’in laj Tzeesrom, Alma 11:20–40. Kixk’ut xyaalal li wakliik chi yo’yo, li raqb’a-aatin, ut li k’ojob’ank wi’chik, Alma 11:41–45. Kiraj xramb’al lix kamikeb’ laj paab’anel, Alma 14:9–10. Kitz’ape’ sa’ tz’alam rochb’een laj Alma, Alma 14:14–23. Ki’ach’ab’aak chiru xb’ak’leb’ li tz’alam rik’in li paab’aal, Alma 14:24–29. Kixch’olob’ xyaalal lix tojb’al rix li maak, li uxtaan, ut li tiik ruhil na’leb’, Alma 34:8–16. Kik’utuk chirix li tijok, Alma 34:17–28. Kixye reheb’ li tenamit naq me’xb’ay xjalb’aleb’ xk’a’uxl, Alma 34:30–41. Lix paab’aal laj Alma ut laj Amulek kixk’e chi uq’e’k chi ch’och’ lix tz’akil li tz’alam, Eter 12:13.