Ismael, xyuwa’ li rixaqil laj Nefi Chi’ilmanq ajwi’ Lehi, xyuwa’ laj Nefi Jun winq sa’ lix Hu laj Mormon li xko’o, rochb’een lix junkab’al, chirix lix junkab’al laj Lehi sa’ xxikikeb’ toj sa’ li yeechi’inb’il ch’och’. Laj Nefi ut eb’ li ras ke’sutq’i Jerusalen ut ke’xq’unb’esi xch’ool laj Ismael ut lix junkab’al re te’xik chirix laj Lehi ut eb’ lix junkab’al toj sa’ li yeechi’inb’il ch’och’, 1 Ne. 7:2–5. Eb’ lix junkab’aleb’ ke’sumla chirib’ileb’ rib’, 1 Ne. 16:7. Laj Ismael kikam sa’ li yamyookil ch’och’, 1 Ne. 16:34.