Enos, ralal laj Jakob
Jun profeet aj Nefita ut aj tz’iib’anel esil sa’ lix Hu laj Mormon li kitijok re xk’ulb’al ut kixk’ul jun risinkil lix maak xb’aan lix paab’aal chirix li Kristo (Enos 1:1–8). Li Qaawa’ ki’ok sa’ sumwank rik’in laj Enos naq tixk’e chi k’utmank lix Hu laj Mormon chiruheb’ laj Lamanita (Enos 1:15–17).
Lix hu laj Enos
Jun li hu sa’ lix Hu laj Mormon li naxye resil lix tij laj Enos chiru li Qaawa’ re naq taakuymanq lix maak a’an, lix maakeb’ lix tenamit, ut lix maakeb’ jalaneb’ chik. Li Qaawa’ kixyeechi’i re naq lix Hu laj Mormon taak’uulamanq ut taak’ame’q rik’ineb’ laj Lamanita sa’ junaq kutan chalel. Us ta yal jun ch’ol ajwi’ li hu a’an, naxye xnimal li esil chirix jun li winq li kisik’ok re lix Dios rik’in tijok, ki’ab’in chiru lix taqlahom li Dios, ut chi maji’ nakam kisaho’ sa’ xch’ool rik’in lix nawom chirix laj Tojol-ix.