Sik’ok-u Chi’ilmanq ajwi’ Ach’ab’aak; B’oqok, b’oqb’il xb’aan li Dios, xb’oqb’al; Xtaql ch’oolej Naq li Qaawa’ naxsik’ ru junaq winq malaj junaq ch’uut chi winq, naxb’oqeb’ chi k’anjelak. Sik’omaq ru sa’ li kutan a’in ani chi aj-u teeraj k’anjelak, Jos. 24:15 (Alma 30:8; Mois. 6:33). Kinsik’ aawu sa’ lix k’atleb’aal li tawasiik, Isa. 48:10 (1 Ne. 20:10). Naab’aleb’ li b’oqb’ileb’, a’ut moko k’iheb’ ta li sik’b’ileb’ ru, Mat. 22:14 (Mat. 20:16; Tz. ut S. 95:5; 121:34, 40). Moko laa’ex ta xexsik’ok wu, laa’in b’an kinsik’ok eeru laa’ex, Jwan 15:16. Li Dios kixsik’ ru li k’a’ru maak’a’ xna’leb’ sa’ li ruchich’och’ re xsachb’al xna’leb’eb’ li ninqeb’ xna’leb’, 1 Kor. 1:27. A’an kixsik’ qu chalen chaq rub’elaj xk’ojlajik li ruchich’och’, Ef. 1:4. Kanab’anb’ilo chixsik’b’al ru li ach’ab’aak ut li junelik yu’am, malaj li preexil ut li kamk, 2 Ne. 2:27. Li tiikeb’ li raam ut li xnimaleb’ ru li ke’sik’e’ chaq ru sa’ xtiklajik, Tz. ut S. 138:55–56. Israel kisik’e’ ru xb’aan li Dios, Mois. 1:26. Laj Abraham kisik’man ru rub’elaj naq kiyo’la, Abr. 3:23.